Савет Міністраў Беларусі прыняў 10 красавіка пастанову аб ліцэнзаванні вывазу асобных відаў тавараў. Яе афіцыйна апублікавалі 12 красавіка.
Паводле пастановы, вываз шэрагу тавараў за межы Беларусі (і нават у краіны Еўразійскага эканамічнага саюзу) дазволены толькі паводле разавых ліцэнзіяў, якія будзе выдаваць Міністэрства гандлю пры ўзгадненні з абласнымі і Менскім гарадскім выканаўчымі камітэтамі.
У спісе тавараў – пшаніца і мэслін, жыта, ячмень, авёс, кукуруза, грэчка, проса, трытыкале, дробленае зерне і апрацаванае зерне, насенне рапсу або кользы, насенне сланечніку.
Забарону на вываз збожжа ўвялі яшчэ ў жніўні 2021 года і пасля працягвалі. Пры тым у Беларусі няма значных праблемаў са збожжам: голад не пагражае нават у неўраджайны год, запасы звычайна ёсць, праблема толькі з эфектыўнасцю сельскай гаспадаркі. А шэраг краінаў Еўразвязу тым часам заклікае забараніць імпарт збожжа з Беларусі і Расеі.
Алесь Наваборскі belsat.eu